Ҷолишҳои мавҷи исломҳаросӣ барои санъати мӯди исломӣ дар ҷаҳон
Ба гузориши манобеи хабарӣ, санъати мӯди исломӣ қаблан бо чолишҳои мухталифе дасту панҷа нарм мекард, монанди эҷоди тақвими мӯди худмустақил аз ҷараёни аслӣ ва тавсеаи бештари фурӯшгоҳҳо. Бо ин ҳол, густариши мавҷи тозаи исломҳаросӣ, ки дар сартосари ҷаҳон ба роҳ афтодааст, рушди санъати мӯди исломиро сахттар мекунад.
Озлам Шоҳин Арташ, мудири ҳафтаи мӯди пӯшидаи Modest Fashion Week, ки тавассути ширкати Think Fashion баргузор мешавад мегӯяд: Хурдафурӯшон ва расонаҳо муҳиммтарин ҷое ҳастанд, ки санъати мӯди исломӣ бо бештарин чолишҳо дар он мувоҷеҳ аст. Вай афзуд: Дар охирин ҳафтаи мӯд дар апрели 2024 дар Истамбул, яке аз расонаҳои муҳимми ҷаҳонӣ аз пӯшиши ин рӯйдод худдорӣ кард зеро онро муғоир бо ҷараёни аслии мӯд номиданд. Ӯ меафзояд: Аммо чолишҳо ҷадид нестанд ва давом нахоҳанд дошт.
Вай таъкид кард: Мӯди мутавозеъ акнун як санъати болиғ аст, ки метавонад ҳаводиси ҷориро аз сар бигузароанд ва ҳанӯз хос ва зебо ва мавриди иқболи умумӣ аст. Мо ҳамчунон ба тавзеҳи инки мӯди содда мутанаввеъ ва фарогир аст, идома медиҳем, ва чашмандози мо мушорикат дар ҷараёни аслӣ аст.
Ҳафтаи мӯди соддаи Маёмӣ (Miami Modest Fashion Week), ки аввалин ҳафтаи мӯди содда дар Иёлоти Муттаҳида ба шумор меравад низ бо чолишҳои мувоҷеҳ шудааст. Нуршом Муҳаммад Гарсия, бунёнгузор ва мудироини рӯйдод мегӯяд: Мо бо тафаккури халлоқона, бо гурӯҳҳои ҳамсу бо арзишҳои худ ҳамкорӣ карда ва рӯйдодҳои худро ба таври стратегӣ дар кишварҳое басиҷ кардаем, ки эҳсос мекунем мухотабон ва ширкаткунандагони мо дар амният ва таҳти ҳимоят ҳастанд.
Ҳаводиси зидди мусулмонон аз ҷумла озор ва азияти занони бо ҳиҷоб аз замони даргирии Фаластин ва Исроил дар октябри 2023 ба таври қобили таваҷҷуҳе афзоиш ёфтааст. Ахиран, шӯришҳои исломҳаросӣ ва нажодпарастона дар Биритониё боис шудааст, ки занони мусулмон, ба вижа онҳое, ки дар сатҳи ҷомеа дида мешаванд ва ҳиҷоб доранд, ҳангоми хурӯҷ аз хона эҳтиёти бештаре дошта бошанд.
Олия Хон, бунёнгузор ва раиси шӯрои мӯд ва тарроҳии исломии Islamic Fashion and Design Council мегӯяд: масрафкунандагони мусулмон дар сартосари ҷаҳон бозори арзишманде барои ҳар бранде аст, ва ин ҳамон чизе аст, ки таҳримҳо дар тӯли замон онро исбот кардааст. Вақте мусулмонон бо ҳам муттаҳид мешаванд ва брандеро таҳрим мекунанд, воқеан ба манофеи онҳо осеб мезанад. Бинобар ин, мо бояд ҳамчунон бидуни воҳима ба низоми арзишии худ пойбанд бошем. Мо бояд сухан бигӯем ва хиҷолат накашем ё ақиб нишинӣ накунем, зеро акнун замоне аст, ки беҳтарин сафир ва улгуи мусулмон будан бошем.
Дар ҳоле, ки афзоиши таассуботи исломҳаросӣ чолишҳоеро барои санъати мӯди исломӣ эҷод кардааст, ҳамчунин фурсатеро барои брандҳо ба вуҷуд овардааст то занони мусулмонро бештар тавонманд кунанд. Муҳаммад Гарсия мегӯяд: Тавонмандсозӣ бо омӯзиш оғоз мешавад, аммо масъулият низ бар ӯҳдаи хурдафурӯшон аст то фазоҳоеро эҷод кунанд, ки дар он мӯди содда натанҳо дида шавад балки мавриди таҷлил қарор гирад. Хурдафурӯшон бояд ба унвони робити фарҳангӣ амал кунанд. Ӯ мегӯяд, ки ҳафтаи мӯди Миёмай аз як платфрми байни адён барои пур кардани шикофҳо, намоиши асолат ва ба чолиш кашидани боварҳои ғалат истифода мекунад. Вай афзуд: Бо тақвияти садоҳои мутанаввеъ ва сохтани ривоятҳои фарогир, ба сӯи оянда ҳаракат мекунем, ки дар он мӯди исломӣ дар ҳамаи фарҳангҳо қобили дарк, эҳтиром ва арзиш бошад. Вай афзуд: Мӯд забони қудратманде аст; Мо бояд аз он истифода кунем то ба дунё ҳувияти худро нишон диҳем.
Аз сӯи дигар Think Fashion, ки мақарри он дар Истамбул аст бо созмонедҳии сафари «Ҳафтаҳои мӯди содда» ба муддати 9 сол, дар ҳадди ақал 20 кишвар ба тарвиҷи санъати мӯди исломӣ кумак кардааст.
